ПОПЛАВИ
ВОВЕД
Чувството за безбедност е една од најосновните потреби на сите поединци во општеството, без разлика дали имаат попреченост или не. Лицата со попреченост може да се сретнат со различни опасности како што се земјотреси, поплави, пожари, несреќи и полесни повреди во секојдневниот живот, дома,на училиште, во паркови, во трговски центри и на улици. За да бидат заштитени од овие опасности со кои може да се сретнат во секојдневниот живот, треба да поседуваат некои основни безбедносни вештини.ПОПЛАВА
Катастрофите како што се поплавите може да ги влошат социјалните нееднаквости во здравството и домувањето. Сепак, последиците што настануваат како резултат на поплавите може да предизвикаат проблеми како што се пристапот до засолниште и здрава храна, кои се позначајни за лицата со интелектуална попреченост и аутизам. Справувањето со ненадеен наплив на вода е доста тешко за секого, но оваа ситуација може да стане уште позагрижувачка за лицата со интелектуална попреченост и аутизам.ВИДЕО МОДЕЛ
Наставата со видео модел вклучува прикажување видео на модел кој демонстрира вештина, на лица со интелектуална попреченост или аутизам. Потоа од детето или тинејџерот се бара да ги изврши чекорите прикажани на видеото. Наставата со видео-моделот e ефективно во поучувањето на безбедносните вештини, вештините за зборување, професионалните вештини, играта и секојдневните животни вештини. Истражувањата покажуваат дека видео моделирањето овозможува побрзо стекнување и генерализирање на вештините.СОЦИЈАЛНИ ПРИКАЗНИ
Тие се кратки приказни напишан и во специфичен формат за да ги научат лицата со интелектуална попреченост или аутизам на социјални вештини, прикажувајќи ги социјалните информации на директен и лесно разбирлив начин. Покрај социјалните вештини, социјалните приказни се користат и за учење на безбедносните вештини како што се заштита од обиди за киднапирање од странци, заштита од сексуално вознемирување и справување со потсмев.
